Հայկական Գինիի Փառատօն` Մոսկուայի Մէջ

Աշխարհ, Հայաստան

Մոսկուայի մէջ` Ժողովրդական տնտեսութեան ձեռքբերումներու ցուցասրահ-համալիրի (Վդնխ) «Հայաստանի տաղաւար»-ին մէջ Սեպտեմբեր 20-ին տեղի պիտի ունենայ հայակական գինիի փառատօն:

Ինչպէս կը յայտնեն Ռուսիոյ մէջ ՀՀ դեսպանութենէն, փառատօնի ծիրէն ներս տեղի պիտի ունենան հայկական գինիներու ցուցադրութիւն եւ համտես,  հայկական գինեգործութեան աւանդոյթներու վերաբերեալ դասախօսութիւններ, ինչպէս նաեւ երաժշտական ​​ծրագիր`  հայ երգիչներու եւ խումբերու մասնակցութեամբ:

Փառատօնին նպատակն է աջակցիլ հայ գինեգործներուն եւ խթանել Ռուսաստանի մէջ հայկական գինիներու ծանօթացման: