Իրավիճակը Չափազանց Մտահոգիչ Է. ՀՅԴ ՀԳՄ Ներկայացուցիչը Ուղիղ Կապի Մէջ Է Պէյրութի Գործընկերներուն Հետ

Աշխարհ, Հայաստան, Սփիւռք

Պէյրութի մէջ տեղի ունեցած պայթումին հետեւանքով լրջօրէն վնասուած է հայաշատ Պուրճ Համուտ թաղամասը։ Այս մասին Facebook-ի իր էջին վրայ գրած է ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեան։

«Ցաւօք կան հայ զոհեր եւ բազմաթիւ վիրաւորներ։

«Այս պահուն Հայ Օգնութեան Միութեան բժշկական կեդրոնը առաջին բժշկական օգնութիւն կը տրամադրէ կեդրոն այցելած հայերուն։

«Վնասուած են հազարաւոր տուներ, լուրջ վնասներ կրած են նաեւ հայկական կազմակերպութիւններու կեդրոներն ու գրասենեակները, Լիբանանի Ազգային Առաջնորդարանը, Կիլիկիոյ Կաթողիկոսութեան Սուրբ Գրիգոր Լուսաւորիչ Մայր Տաճարը։

«Քիչ առաջ զրուցեցի Լիբանան գտնուող ՀՅԴ Բիւրոյի անդամ ընկեր Բենիամին Պչաքճեանի եւ Դաշնակցութեան Լիբանանի Կեդրոնական կոմիտէի ներկայացուցիչ ընկեր Յակոբ Բագրատունիի հետ, որոնք նշեցին, որ իրավիճակը չափազանց մտահոգիչ է։

«Տնտեսական իրավիճակը, համավարակը, այժմ ալ անվտանգութեան խնդիրը լրջագոյն մարտահրաւէրներ են ողջ Լիբանանի եւ լիբանանահայ համայնքի համար։

«Մենք կապի մեջ ենք Լիբանանի մէջ գործող մեր կառոյցներուն հետ՝ իրավիճակը հասկնալու եւ անհրաժեշտ քայլեր ձեռնակելու համար։

«Մինչ այդ մեր զօրակցութիւնը կը յայտնենք Լիբանանի մէջ բնակող մեր հայրենակիցներուն եւ եղբայրական Լիբանանի բնակչութեան»,- գրած է Իշխան Սաղաթելեան։