Հայաստանի Մէջ «Քորոնա» Ժահրի Հաստատուած Դէպքերը՝ Ըստ Երեւանի եւ Մարզերու

ՀՀ առողջապահութեան նախարարի մամուլի խօսնակ Ալինա Նիկողոսեան, Մարտ 31-ին, Facebook-ի իր էջին վրայ ներկայացուցած է Հայաստանի մէջ «քորոնա» ժահրի հաստատուած դէպքերը՝ ըստ Երեւանի եւ մարզերու:

«Պէտք է նշել, որ 532 դէպքէն այս պահուն ճշգրիտ է 502 քաղաքացիի բնակութեան վայրը:

«Մնացեալ 30 հիւանդի բնակութեան վայրը կը պարզուի, քանի որ վերջիններուս փաստացի եւ անձնագրի մէջ հաշուառուած տուեալներուն մէջ կայ անհամապատասխանութիւն:

Աւելցնենք, որ նշուած վիճակագրութիւնը չի կապուիր համաճարակաբանական գործողութիւններու հետ եւ հաստատուած իւրաքանչիւր դէպք ուսումնասիրուած է մասնագէտներու կողմէ: Տուեալները լիովին յստակացնելէ ետք պիտի հրապարակուի նաեւ քարտէզը։

Երեւան` 219

Արագածոտն` 10

Արարատ` 113

Արմաւիր` 51

Լոռի` 4

Կոտայք` 88

Շիրակ` 6

Սիւնիք` 8

Վայոց Ձոր` 1

Տաւուշ` 2»: