ՀՀ Կեդրոնական Դրամատունը Կը Դատապարտէ Ելեւմտական Հաստատութիւններու Վրայ Հասարակական Ճնշումներու Փորձերը

Հայաստան

ՀՀ կեդրոնական դրամատունը կը դատապարտէ տարբեր մարդոց կողմէ ելեւմտական հաստատութիւններու վրայ հասարակական ճնշումներու փորձերը: Այս մասին յայտարարութիւն տարածած է ՀՀ կեդրոնական դրամատան հասարակայնութեան հետ կապերու ծառայութիւնը․

«Վարկատու եւ վարկառու ենթականերու յարաբերութիւնները ամրագրուած են պայմանագրերով եւ կը կարգաւորուին ՀՀ Վարչական օրէնսգրքով:

Կը յորդորենք բոլորը ցուցաբերելու զսպուածութիւն, արտակարգ դրութեան ընթացքին չփորձել խաղալ հասարակական տրամադրութիւններու եւ սպասումներու հետ:

ՀՀ կեդրոնական դրամատունը մշտադիտարկման իբրեւ արդիւնք կը վստահեցնէ, որ ՀՀ ելեւմտական համակարգը կը գործէ անխափան: ԿԴ-ն կը շարունակէ իրականացնել ելեւմտական կայունութեան ապահովման իր գործառոյթները:

ՀՀ կեդրոնական դրամատունը մէկ անգամ եւս կը յորդորէ քաղաքացիները հնարաւորինս օգտուելու առցանց ելեւմտական ծառայութիւններէն, վճարահաշուարկային հաւելուածներէն եւ առցանց դրամատնային ծառայութիւններէն, հարցերու պարագային կապ հաստատել ելեւմտական կազմակերպութեան հետ ու ստանալ հետաքրքրող հարցերու պատասխանները, իսկ այլ հարցերու համար հեռաձայնել ՀՀ կեդրոնական դրամատան թէժ գիծին՝ 011561954, 011563950 010592697 հեռախօսահամարներով կամ ել. նամակ գրել consumerinfo@cba.am հասցէին»,- ըսուած է յայտարարութեան մէջ: