Ատրպէյճանցիներու Կողմէ Կեղծ Լուրերու Տարածման Եւս Մէկ Տարբերակ. Տիգրան Աբրահամեան

Հայաստան

Արցախի Հանրապետութեան նախագահի՝ անվտանգութեան հարցերով խորհրդական Տիգրան Աբրահամեան կ՝ահազանգէ, ատրպէյճանցիները կեղծ էջերով ներքին թշնամութիւն յառաջացնող գրութիւններ կը տարածեն։ Ան հրապարակած է քանի մը profine եւ խնդրած համապատասխան կառոյցներուն կանխելու անոնց գործունէութիւնը։ Այս մասին կը հաղորդէ Panorama.am-ը։

«Քանի կեղծ profile-ներու եւ տարատեսակ տիանաներու թեման ներկայ է, եւս մէկ թարմ օրինակ ներկայացնեմ, որ համապատասխան հիմնարկներու գործառնութեան շրջանակներու մէջ է եւ խնդրանքս է, որպէսզի այս թեմային ուղղութեամբ եւս աշխատին։

Արդէն քանի մը ամիս է որ հայաստանեան խումբերու մէջ, ջարդուած profile-ներու միջոցով, կեղծ լուրեր կը տարածուին։ Տարբեր ջարդուած օգտատէրեր, որոնք կը կառավարուին ատրպէյճանցիներու կողմէ Հայաստանի եւ Արցախի ներքաղաքական իրավիճակի, անոր սրացման, հասարակական յարաբերութիւններու խաթարման, հայաստանցի-ղարաբաղցի կեղծ օրակարգի շուրջ, ներքին թշնամութեան յառաջացման կամ խորացման ուղղուած գրառումներ կը տարածեն։

Ինչեւէ, արդէն քանի մը ամիս է՝ տարբեր խումբերու մէջ, ընկերոջս անունով (ու ոչ միայն անոր) կեղծ լուրեր կը տարածուին։ Բոլոր տեղերու գրառումը նոյնն է՝ կոչ փողոց ելլելու եւ Նիկոլ Փաշինեանի դէմ հանրահաւաքներ ընելու։

Ամէն անգամ կը գրենք admin-ներուն, կը փորձենք խումբերու մէջ կանխել ատրպէյճանցիներու կեղծ լուրերու տարածում, սակայն խումբերու admin-ներու ճնշող մեծամասնութիւնը չեն արձագանգեր։

Գրառման տակ մեկնաբանութիւններ գրելն ալ առանձնապէս արդիւնաւէտ չէ։ Ասիկա համալիր լուծում պահանջող խնդիր է։ Երեկուան օրինակը այս խումբին մէջ է։

Այս օգտատիրոջ profile-ն ալ ջարդուած է՝ անձամբ գրած եմ, պատասխանած է ատրպէյճանցի։

Խնդրանքս է տեղեկատուական անվտանգութեան թեմաներով զբաղող կառոյցներուն՝ զբաղելու նմանօրինակ անվտանգային խնդիրներով, նման դէպքերը կանխելու վաղ փուլի մէջ, ինչպէս նաեւ՝ տեղեկատուական անվտանգութեան սկզբունքներու, անոնց վտանգներուն վերաբերեալ հանրային իրազեկման արշաւներ իրականացնելու»,- գրած է Աբրահամեանը Facebook-ի իր էջին վրայ։