Պոլսոյ Պատրիարքի Ընտրութեան Նոր Կանոնադրութեան Առնչութեամբ Դատական Հայց Ներկայացուած է

Աշխարհ, Սփիւռք

Թուրքիոյ ներքին գործոց նախարարութիւնը Պոլսոյ Հայոց պատրիարքարան ուղարկած էր պատրիարքի ընտրութեան նոր կանոնադրութիւնը, որով կը սահմանափակուէր արտասահմանաբնակ եպիսկոպոսներու մասնակցութիւնը ընտրութիւններուն:

85-րդ պատրիարքի ընտրութիւնը կազմակերպող նախաձեռնարկ մարմինը որոշած էր չբողոքարկել այս կանոնադրութիւնը, սակայն այս սահմանափակումը որոշ դժգոհութիւն յառաջացուցած է պոլսահայ համայնքին մէջ:

Վերջերս ստեղծուած «Հանրային նախաձեռնող խումբ»-ը դատական հայց ներկայացուցած է կանոնադրութեան առնչութեամբ: Խումբը այդ մասին յայտարարութիւն տարածած է: Մասնաւորապէս կը նշուի, որ իրենց կոչերը ուղղուած պատրիարքի տեղապահ Սահակ սրբազան Մաշալեանին, հոգեւոր խորհուրդի ղեկավար Արամ Աթէշեանին եւ Նախաձեռնարկ մարմինի անդամներուն, որեւէ արդիւնք չեն տուած: