Սկիզբ Կ՛առնէ «Անկախութեան Մարաթոն»-ը

Այլեւայլ, Հայաստան

 «Յաղթանակած» համահայկական երիտասարդական նախաձեռնութիւնը, կարեւոր համարելով հայկական երկու պետութիւններու անկախութիւնը եւ անոնց հիմք դարձած յաղթանակները, Սեպտեմբեր 1-ի երեկոյեան մեկնարկեց «Անկախութեան մարաթոն»-ը` միաւորելով Արցախի եւ Հայաստանի Հանրապետութիւններու 28-ամեակները:

Մարաթոնի սկիզբ առաւ Սեպտեմբեր 1-ին Ստեփանակերտի Եղբայրական գերեզմանատան մէջ մոմավառութեան արարողութեամբ, որմէ ետք Մարաթոնի մասնակիցները պիտի անցնին Արցախի եւ Հայաստանի 30 քաղաքներով` որպէս միասնութեան եւ համատեղ փառահեղ յաղթանակի ուղի:

Մարաթոնը պիտի անցնի Ստեփանակերտ, Հադրութ, Մարտակերտ, Շուշի, Բերձոր, Գորիս, Կապան, Քաջարան, Մեղրի, Տաթեւ, Սիսիան, Վայք, Եղեգնաձոր, Մարտունի, Գաւառ, Հրազդան, Դիլիջան, Իջեւան, Նոյեմբերեան, Այրում, Ալաւերդի, Վանաձոր, Սպիտակ, Գիւմրի, Արթիկ, Ապարան, Աշտարակ, Սարդարապատ, Էջմիածին, Երեւան քաղաքներով: Սեպտեմբեր 20-ին Հայաստանի մայրաքաղաք Երեւանի մէջ Մարաթոնի մասնակիցները եւ բոլոր ցանկացողները պիտի իրականացնեն երթ` դէպի Եռաբլուր փառքի պանթէոն` միասին դիմաւորելու ՀՀ անկախութեան նախօրեակը:

Բոլոր քաղաքներու մէջ «Անկախութեան մարաթոն»-ի մասնակիցները հանդիպումներ պիտի ունենան տեղի ազատամարտիկներու հետ, պիտի ներկայացնեն նախաձեռնութիւնն ու պիտի կազմակերպեն հանդիպումներ իւրաքանչիւր քաղաքի երիտասարդներու հետ` տարածելով «Յաղթանակած» նախաձեռնութեան գաղափարը:

Մարաթոնի յաջորդող օրերու օրակարգին եւ յաւելեալ տեղեկութիւններու մասին իմանալու համար կրնաք հետեւիլ նախաձեռնութեան ֆէյսպուքեան էջին: