Երեւանի Մէջ Սկսած են «Արարատ-Անտիտեռոր 2019» Զօրավարժութեան Նախապատրաստական Աշխատանքները

Աշխարհ, Հայաստան

Երեւանի մէջ ՀՀ ԱԱԾ կողմէ, ԱՊՀ հակաահաբեկչական կեդրոնի համակարգումով, Օգոստոս 29-ին, կազմակերպուած եւ իրականացած է համատեղ հրամանատարաշտապային վարժանք, որուն մասնակցած են Ռուսիոյ, Պելառուսիոյ, Ղազախստանի, Խրխզիստանի, Մոլտովայի, Տաճիկստանի, Ուզպեքիստանի յատուկ ծառայութիւններու եւ անվտանգութեան մարմիններու ներկայացուցիչները:

ՀՀ Ազգային անվտանգութեան ծառայութեան մամուլի կեդրոնէն փոխանցուած տեղեկութիւններով՝ ձեռնարկը պիտի իրականացուի Սեպտեմբեր 25-26, Հայաստանի մէջ կայանալիք ԱՊՀ մասնակից պետութիւններու իրաւասու մարմիններու «Արարատ-Անտիտեռոր 2019» համատեղ հակաահաբեկչական զօրավարժութեան նախապատրաստման ծիրէն ներս:

Ձեռնարկին ընթացքին քննարկուած են նաեւ վառելիք-ուժանիւթ համալիրի բաժիններու հակաահաբեկչական պաշտպանուածութեան առնչուող հարցեր: