Պոլսոյ Հայոց Պատրիարքի Փոխանորդը Բողոք Ներկայացուցած է Հայ Տղուն Կրօնափոխած Հաղորդավարին Դէմ

Աշխարհ, Սփիւռք

Կ. Պոլիսոյ Հայոց պատրիարքի փոխանորդ Արամ արքեպիսկոպոս Աթէշեան անդրադարձած է թրքական հեռուստաեթերով հայ տղայի կրօնափոխութեան հարցին։

Արքեպիսկոպոսը հեռաձայնած է Թուրքիոյ կրօնական գործերու վարչութեան պետին եւ յայտնած իր մտահոգութիւնը։ Այս մասին կը հաղորդէ Ermenihaber.am-ը։

Մասնաւորապէս կը նշուի, որ պատրիարքի փոխանորդը բողոք ներկայացուցած է հայ պատանին կրօնափոխած իսլամական քարոզիչ Նիհաթ Հաթիփօղլուի դէմ:

Յիշեցնենք, որ Թուրքիոյ մէջ ապրող 13-ամեայ Արթուր անունով հայ տղան ուղիղ եթերով իսլամ ընդունած էր։ Տղան նաեւ անուանափոխ եղած էր եւ ընդունած էր թրքական «Նիհաթ» անունը։ Իսլամի ընդունումը տեղի ունեցած էր թուրք յայտնի աստուածաբան Նիհաթ Հաթիփօղլուի՝ շուի տարրեր ունեցող խիստ քարոզչական բնոյթի հաղորդման ժամանակ։ Անիկա բուռն արձագանգ յառաջացուցած հայկական ու թրքական շրջանակներու մէջ: