Պայմանագրային Զինծառայողը Զոհուած է Ծառայակիցին Կողմէ Արձակուած Կրակոցէն

Հայաստան

Փետրուար 11–ին ՊՆ N զրամասերէն մէկուն պահպանութեան տեղամասին մէջ 34-ամեայ պայմանագրային զինծառայող Մեսրոպ Գրիգորեանի սպանութեան գործով կասկածեալ կայ։ Այս մասին կը յայտնեն ՀՀ քննչական կոմիտէէն։

Նախնական տեղեկութիւններով՝ պարտադիր ժամկէտային զինծառայող, շարքային Ա.Կ.-ն, աւագ տասնապետ Մեսրոպ Ռուբիկի Գրիգորեանին ապօրինաբար կեանքէն զրկելու դիտաւորութեամբ, իրեն ամրակցուած գնդացիրէն կրակահերթ արձակած է վերջինիս ուղղութեամբ, որուն հետեւանքով ստացած մարմնական վնասուածքներէն, ժամը 17:20-ին, Մ.Գրիգորեանը մահացած է: Դէպքին առիթով ՀՀ քննչական կոմիտէի ԶՔԳՎ ութերորդ կայազօրային քննչական բաժնի մէջ, ՀՀ քրէական օրէնսգիրքի 104-րդ յօդուածի 1-ին մասով, յարուցուած է քրէական գործ, կը կատարուի նախաքննութիւն: Կը ձեռնարկուին անհրաժեշտ քննչական եւ դատավարական գործողութիւններ՝ դէպքի բազմակողմանի, լրիւ եւ ճշգրիտ հետազօտումը ապահովելու ուղղութեամբ: