ՀՀ Կրթութեան եւ Գիտութեան Նախարար Արայիկ Յարութիւնեանի UCLA Այցը

Աշխարհ, Հայաստան, Սփիւռք

Ամերիկահայ ճարտարագէտներու եւ գիտնականներու կազմակերպութեան հրաւէրով շրջանս գտնուող Հայաստանի Հանրապետութեան կրթութեան եւ գիտութեան նախարար Արայիկ Յարութիւնեան այցելութիւն մը տուած է Քալիֆորնիոյ համալսարանի Լոս Անճելըսի մասնաճիւղի (UCLA) հնագիտութեան «Քոթսեն» հիմնարկին մէջ գործող Համբարձում եւ Ովսաննա Չիթճեաններու անուան հայկական հնագիտութեան ծրագրին պաշտօնատարներուն։ Այս մասին կը հաղորդէ «Ասպարէզ»-ը։

Նախարարը խորհրդակցութիւններ ունեցած է «Քոթսեն» հիմնարկի վարիչ Վիլեք Վենտրիխի, «Չիթճեան» ծրագիրի վարիչ Քրիսթին Մարտիրոսեան-Օլշանսքի, ինչպէս նաեւ՝ համալսարանի Մերձաւոր Արեւելքի լեզուներու եւ մշակոյթներու բաժանմունքին մէջ գործող «Նարեկացի»  հայագիտութեան ամպիոնի վարիչ Փիթըր Քաուիի հետ։

0000Arayig UCLA1

Քննարկուած են համալսարանին եւ յատկապէս Երեւանի Հնագիտութեան հիմնարկին միջեւ յարաբերութեանց սերտացման կարելիութիւնները։

Ներկայ եղած է նաեւ Լոս Անճելըսի մօտ Հայաստանի գլխաւոր հիւպատոս Արմէն Բայբուրդեան։

Համալսարանին հնագիտութեան հայկական բաժանմունքին գործունէութեան առնչուող տեղեկութեանց համար դիմել՝ kristineolsh@ucla.edu հասցէին կամ այցելել՝ www.ioa.ucla.edu կայքը։