ՊՆ Բեռնատար Մը Շրջուած է, Զոհուած է Չորս Ժամկետային Զինծառայող

Հայաստան

Գորիս-Որոտան (Կուբաթլի) ճանապարհին Պաշտպանութեան նախարարութեան բեռնատար մը շրջուած է. կան զոհեր եւ վիրաւորներ: Այս մասին Ֆէյսպուքի իր էջին վրայ գրեց ՊՆ մամլոյ խօսնակ Արծրուն Յովհաննիսեան։

Ապա ան յայտնեց, որ վթարին հետեւանքով զոհուած է չորս ժամկէտային զինծառայող ու հրապարապեց անոնց անունները․

  1. Հայրապետ Վոլոդիայի Նայիրեան 1998-ի ծնունդ, 2017/1 զօրակոչ, Էրեբունիիւ ԶԿ
    2. Հրանդ Արայի Գասպարեան 1998-ի ծնունդ, 2017/1 զօրակոչ, Շահումեանի ԶԿ
    3. Էդգար Արմէնի Յունանեան 1998-ի ծնունդ, 2017/1 զօրակոչ, Հրազդանի ԶԿ
    4. Դաւիթ Բենիամինի Մելքոնեան 1998-ի ծնունդ, 2017/1 զօրակոչ, Թալինի ԶԿ

«Շատ ցաւալի լուր է: Կան նաեւ վիրաւորներ, լրացուցիչ կը յայտնենք»,- գրեց Յովհաննիսեան:

Աւելի ուշ ան յայտնեց, որ վթարի ենթարկուած մեքենային մէջ եղած է 21 զինծառայող, որոնցմէ 19-ը` թափքում: 21-էն 17 զինծառայողի կեանքին վտանգ չի սպառնար, 8-ը ստացած են տարբեր տեսակի մարմնական վնասուածքներ: Բժշկական  զննումը կը շարունակուի։