ՀՀ Նախագահը Հիւրընկալեց Պարոնուհի Քարոլայն Քոքսը

Աշխարհ, Հայաստան

Հայաստանի Հանրապետութեան նախագահ Արմէն Սարգսեան Սեպտեմբեր 13-ին հիւրընկալեց  Բրիտանիոյ Լորտերու տան անդամ, պարոնուհի Քարոլայն Քոքսն ու անոր ղեկավարած «ՀԱՐԹ» բարեսիրական կազմակերպութեան անդամները: Այս մասին կը հաղորդէ ՀՀ նախագահի մամուլի վարչութիւնը։

Հանդիպման ներկայ էր գրող, հրապարակախօս, Հայաստանի մշակոյթի վաստակաւոր գործիչ Զօրի Բալայեան:

Նախագահը ջերմօրէն ողջունեց պարոնուհին եւ անոր գործընկերները` նշելով, որ ուրախ է ընդունելու հայ ժողովուրդին լաւագոյն բարեկամները: Պարոնուհին ներկայացուց նախորդ օրերուն Արցախ կատարած այցելութենէն իր տպաւորութիւնները, ներկայացուց այնտեղ իր ունեցած հանդիպումները:

Նախագահ Սարգսեան բարձր գնահատեց պարոնուհի Քարոլայն Քոքսի աջակցութիւնը արցախցիներուն, ինչպէս նաեւ միջազգային հանրութեան ծիրէն ներս Արցախի մասին իրազեկուածութեան բարձրացման վերաբերող անոր ջանքերը: